Lautaro Martinez, Kylian Mbappé, Erling Haaland dhe Harry Kane janë të vetmit katër lojtarë që kanë qenë të përfshirë drejtpërdrejt në më shumë se 10 gola në secilin nga shtatë sezonet e fundit në pesë ligat kryesore të Europës, raporton Opta.

Kapiteni i Interit, Lautaro Martinez, frymëzoi fitoren 2-1 të Nerazzurrëve ndaj Genoas të dielën, duke kontribuar me një gol dhe një asist në Marassi.

Argjentinasi është aktualisht golashënuesi më i mirë i Serie A me tetë gola, një më shumë se ylli i Milanit, Christian Pulisic.

Statistikat e publikuara nga Opta në rrjetin social X konfirmojnë se Lautaro ka qenë një nga sulmuesit më vendimtarë në Europë gjatë viteve të fundit.

“Lautaro Martínez është një nga vetëm katër lojtarët që kanë qenë të përfshirë drejtpërdrejt në më shumë se 10 gola (8 gola dhe 3 asistime këtë sezon) në secilin nga shtatë sezonet e fundit në pesë ligat kryesore europiane, së bashku me Kylian Mbappé, Erling Haaland dhe Harry Kane. I pandalshëm,” raportoi Opta.

Lautaro ka shënuar 165 gola në 355 ndeshje me Interin që prej bashkimit me Nerazzurrët në verën e vitit 2018.

Fitues i Kupës së Botës 2022 me Argjentinën, ‘El Toro’ ishte Capocannoniere i Serie A në sezonin 2023-24 me 24 gola, duke kontribuar në fitimin e Scudettos së 20-të në historinë e Interit.

Ai ishte gjithashtu golashënuesi më i mirë i Copa America me Argjentinën në vitin 2024./GazetaExpress/