Mbreti është rrëzuar nga froni, në fakt, ai nuk është më në podium apo edhe në pesëshen më të mirë.

LeBron James nuk është një nga pesë lojtarët më të mirë të NBA-së përpara sezonit të ardhshëm, transmeton Gazeta Express.

Kjo mund të shkaktojë disa debate, por duket se mosha më në fund po fillon të vërehet te LeBron James, ndërsa ai rrëshqet në renditje dhe sheh brezin e ri që e kapërcen atë.

Në pritje të sezonit 2022/23, ESPN ka renditur 100 lojtarët e tyre më të mirë në ligë dhe James vjen në numrin 6. Në listën e vitit të kaluar, ylli i Los Angeles Lakers ishte nr.3.

ESPN gradualisht ka zbuluar listën e tyre nga 100 në nr.1 dhe të enjten u zbuluan vendet 10 deri në gjashtë.

Me James në top 10, por jo në pesëshen e parë, janë Jayson Tatum, Kevin Durant, Ja Morant dhe Devin Booker.

Prandajmund të supozohet se pesë të parët, pa ndonjë renditje të caktuar, do të jenë: Luka Doncic, Giannis Antetokounmpo, Nikola Jokic, Joel Embiid dhe Stephen Curry. /Gazeta Express/