Një nga legjendat e përhershme të Barcelonës ka vënë në pikëpyetje shitjen e mundshme të Fermin Lopez në ditët e ardhshme.

22-vjeçari është lidhur ngushtë me një transferim të mundshëm te Chelsea këtë javë, ndërsa edhe Newcastle United ka shfaqur interes serioz për të firmosur me mesfushorin e kombëtares spanjolle.

Pavarësisht deklaratave të mëparshme të Hansi Flick për ta mbajtur Lopez në Katalonjë, Chelsea tashmë ka kontaktuar zyrtarisht për një lëvizje të mundshme, dhe mesfushori po mendon një largim.

Chelsea është e gatshme t’i dyfishojë pagën për ta sjellë në “Stamford Bridge”, por Barcelona raportohet se ka vendosur një çmim prej 90 milionë eurosh, shifër që vetëm Neëcastle aktualisht është i gatshëm ta përmbushë.

Megjithëse raportet nga Katalonja thonë se Lopez mbetet i prirur të qëndrojë te Barcelona, ai ka kërkuar leje për të negociuar me Chelsean, por nuk është e qartë nëse “Blutë” janë gati të shpenzojnë shumën, pasi kufiri i tyre aktual është 50 milionë euro.

Tifozët e Barcelonës janë të ndarë për këtë çështje, ndërsa ish-shtylla e mesfushës së “La Blaugrana”, Sergio Busquets, ka dhënë një paralajmërim për shitjen e një lojtari të dalë nga La Masia.

“Lojtarët që dalin nga La Masia kanë një vizion ndryshe për atë çfarë do të thotë të mbash këtë stemë, të kalosh nëpër shkallët e akademisë dhe të arrish ëndrrën tënde për të qenë pjesë e ekipit të parë,” tha ai për Mundo Deportivo.

“Në fund është një vendim individual, ata duhet të shohin të mirën e tyre, të klubit – dhe nëse ai qëndron – aq më mirë.

“Nuk e di 100% nëse shitja është e domosdoshme, nëse ai dëshiron të largohet dhe klubi jep leje, e vetmja gjë që do të bëjmë është ta mbështesim dhe t’i urojmë çdo të mirë.”

Tani të gjitha palët po presin një përditësim nga Lopez, me klubin që dëshiron ta mbajë, por injektimi financiar nga shitja është gjithashtu joshës./GazetaExpress/