Kapiteni i Real Madridit, Luka Modric, ende nuk ka marrë një vendim përfundimtar mbi një ofertë transferimi të lirë gjatë verës nga AC Milan.
Los Blancos morën vendimin e guximshëm për të mos i rinovuar kontratën për sezonin 2025/26, dhe Modric është i gatshëm t’i japë fund një periudhe të jashtëzakonshme 13-vjeçare në kryeqytetin spanjoll – por ai nuk do të pensionohet.
39-vjeçari kishte shprehur më herët dëshirën për të nënshkruar një rinovim njëvjeçar me Madridin, për të luajtur edhe pas ditëlindjes së tij të 40-të në shtator dhe për të udhëhequr Kroacinë në Kupën e Botës 2026.
Kushtet e kontratës aktuale të Modric nënkuptojnë se ai nuk do të largohet në qershor, pasi është i përfshirë me Real Madridin në Kupën e Botës për Klube në SHBA — e cila mund të zgjasë deri në korrik.
Modric ka marrë oferta të raportuara nga MLS dhe Liga Saudite, por preferenca e tij është të qëndrojë në Evropë dhe të luajë në Ligën e Kampionëve sezonin e ardhshëm.
Të qëndruarit në formë të lartë për Kupën e Botës është një objektiv kyç për Modric, dhe gjigandët e Serie A, AC Milan, janë në pole position për ta transferuar atë.
Sipas “Football Italia”, AC Milan ka arritur marrëveshje për termat personalë me mesfushorin veteran që në fillim të qershorit.
Megjithatë, pavarësisht zërave, Modric i ka hedhur poshtë këto spekulime duke deklaruar se “asgjë nuk është e sigurt për momentin”.
Ish-ylli i AC Milanit dhe ndërkombëtari brazilian Cafu ka komentuar për mundësinë e transferimit të Modric, duke sugjeruar se ende ka punë për të bërë për ta bindur atë.
“Nuk e di nëse Modric do të vijë apo jo. Ai ka përvojë dhe, sipas mendimit tim, është një investim që mund të japë fryte. Shpresoj që t’i luajë të gjitha ndeshjet, por është e vështirë. Ai mund të ndihmojë në dhomën e zhveshjes dhe në fushë – ai i vendos të gjithë në vendin e duhur. Pastaj, kur topi i shkon atij, të gjithë duket sikur paralizohen për të parë se çfarë do të bëjë.”
