Këngëtarja Leonora Jakupi ka reaguar sot pas lajmit se dizajneri i saj, Valdrin Sahiti ka qepur fustanin e Beyonce

Valdrin Sahiti ka punuar fustanin e fundit të Beyonce për paraparaqitjet e saj në mbrëmjet gala të Grammy Awards.

E pas kësaj ka ardhur reagimi i Leonora Jakupit, e cila më parë ka veshur fustana të punuar nga Sahiti.

“Nuk do të mjaftonin fjalët të flisja për ty, mik i çmuar, vëlla i vogël! Shumë sfida, mërzi, punë e dashni kemi pas këto vite bashkë...Ti mbetesh i vogli i zemrës sime e i madhi i artit dhe suksesit”, ka shkruar Leonora në një InstaStory.

Kujtojmë se Sahiti ka veshur këto ditë edhe Rita Orën, derisa ai mbetet njëri prej personaliteteve më të ndjekura kosovare në rrjetet sociale, me dy milionë ndjekës. /GazetaExpress/