Leutrim Rexhepi është fitues i garës së katërt në disiplinën super auto sllallom, e cila u mbajt të dielën në pistën e vjetër të aeroportit në Sllatinë.

Anëtari i AK Ferizajt, dy vozitjet në shtegun me gjatësi prej 1.7 kilometra i kaloi për kohën 03:24.254 minuta (01:42.704 dhe 01:41.550).

Fitorja e Leutrimit pati vlerë të trefishtë dhe ai është shprehur i kënaqur me këtë fakt.

“Jam i lumtur për këtë fitore, pasi pati vlerë të trefishtë. Përveç në aspektin personal, fitorja e ndihmoi AK Ferizajn të jetë në pozitën e parë në plasmanin ekipor, e çka është edhe më e rëndësishme, me këtë fitore jemi edhe kampionë në plasmanin gjeneral të disiplinës super auto slllallom”, ka thënë Leutrimi pas fitores për faqen zyrtare të FASK-ut.

Në pozitën e dytë, në plasmanin gjeneral u rendit Egzon Ukëhaxhaj i Prishtina RT, i cili me Opel Astra, në krahasim me fituesin pati vonesë prej 09.248 sekonda.

Podiumi i fituesve u plotësua me Arjeta Ryshën, e cila sivjet është duke shkëlqyer.

Javën e kaluar ajo e siguroi titullin e kampiones në klasën e saj në disiplinën malore, ndërsa sot doli e para në Klasën 4 në super auto sllallom si dhe treta në plasmanin gjeneral.

AK Ferizaj i takoi pozita e parë në plasmanin ekipor me 60 pikë, aq sa pati edhe Prishtina RT në pozitën e dytë, por ferizajasit patën kohë më të shpejta, që ishte përcaktuese në renditje, derisa në pozitën e tretë u rendit AMTKK.

Rezultatet:

Klasa 1 (deri 1200 ccm – Grupi 1)

1. Gjengiz Hajrullahu (AMTKK – Renault Clio)

Klasa 2 (mbi 1200-1600 ccm – Grupi 1)

1. Dren Mariqi (AMTKK – Citroen C2)

Klasa 3 (mbi 1600-2000 ccm – Grupi 1)

1. Brunilda Gjura (Prishtina RT – Fiat Punto)

Klasa 4 (mbi 2000 ccm – Grupi 1)

1. Arjeta Rysha (Ferizaj – BMW)

2. Leutrim Krasniqi (Prishtina RT – Golf)

3. Driton Qerimi (Prishtina RT – BMW)

4. Suanda Jabllanica (AMTKK – Skoda)

5. Vehad Qorrolli (Vjosa – BMW)

Klasa 6 (mbi 1200-1600 ccm – Grupi 2)

1. Ardrit Namligjiu (Ferizaj – Skoda)

Klasa 7 (mbi 1600-2000 ccm – Grupi 2)

1. Arlind Ramadani (Prishtina RT – Opel Astra)

Klasa 8 (mbi 2000 ccm – Grupi 2)

1. Fatbardh Qerimi (Prishtina RT – BMW)

2. Valon Jaha (Prishtina RT – BMW)

3. Pajtim Qupeva (AMTKK – Audi A3)

Klasa 9 (deri 1400 ccm – Grupi 3)

1. Hysen Iseni (Ferizaj – Peugeot)

2. Elldonis Llapashtica (Eurogoma RT – Suzuki Swift)

Klasa 11 (mbi 1600-2000 ccm – Grupi 3)

1. Leutrim Rexhepi (Ferizaj – Golf)

2. Egzon Ukëhaxhaj (Prishtina RT – Opel Astra)

3. Nicusor Fota (Prishtina RT – Renault Clio)

4. Valdrin Krasniqi (Ferizaj – Opel Astra)

Plasmani gjeneral:

1. Leutrim Rexhepi (Ferizaj – Golf)

2. Egzon Ukëhaxhaj (Prishtina RT – Opel Astra)

3. Arjeta Rysha (Ferizaj – BMW)

Plasmani ekipor:

1. AK Ferizaj 60 pikë

2. Prishtina RT 60

3. AMTKK 52

4. Eurogoma RT 15

5. Vjosa 8