Harry Kane po hyn në 18 muajt e fundit të kontratës me Bayern Munich dhe Barcelona po e sheh 32-vjeçarin si pasuesin ideal të Robert Lewandowskit, kontrata e të cilit skadon këtë verë.
Lewandowski, 37 vjeç, ka pranuar se ende nuk ka marrë vendim për të ardhmen, duke shtuar pasigurinë rreth planeve të Barcelonës.
“Së shpejti do të vendos se cilin drejtim dua të marr. Jam i qetë dhe nuk kam nxitim,” tha ai për TVP Sport, përcjell Gazeta Express.
Kane, i cili ka një klauzolë prej 57 milionë funte që aktivizohet në qershor, mbetet i hapur për të rinovuar me Bayernin, ndërsa Barça po vlerëson edhe mundësinë për t’i ofruar Lewandowskit kontratë të re.
/GazetaExpress/
