Chelsea e ka emëruar Liam Rosenior si trajnerin e ri të ekipit të parë me kontratë deri në vitin 2032.

41-vjeçari zbuloi më herët të martën gjatë një konference lamtumire te klubi i Ligue 1, Strasbourg, se kishte “arritur marrëveshje verbale” për të zëvendësuar Enzo Marescan në Stamford Bridge.

Marrëveshja u finalizua pak më vonë, duke shënuar rikthimin e tij në futbollin anglez pas përvojave të mëparshme si trajner te Derby dhe Hull.

Rosenior deklaroi për faqen zyrtare të klubit:

“Jam jashtëzakonisht i përulur dhe i nderuar që jam emëruar trajner i Chelsea Football Club.

Ky është një klub me një shpirt unik dhe me një histori krenare fitimi trofesh.

Detyra ime është ta mbroj këtë identitet dhe të krijoj një skuadër që i pasqyron këto vlera në çdo ndeshje që luajmë, ndërsa vazhdojmë të fitojmë trofe.

Të më besohet ky rol do të thotë gjithçka për mua dhe dua të falënderoj të gjithë të përfshirët për mundësinë dhe besimin që më dhanë për ta marrë këtë detyrë.

Do të jap gjithçka për ta sjellë suksesin që ky klub e meriton.”