Kryetari i Nismës Socialdemokrate, Fatmir Limaj, 23-vjetorin e rënies, ka përkujtuar Zahir Pajazitin, Hakif Zejnullahun dhe Edmond Hoxhën. Limaj e ka vlerësuar lart kontributin e tyre duke e vlerësuar Zahir Pajazitin si një nga strategët më të mëdhenj të UÇK-së dhe një nga themeluesit saj.

“Zahiri, Hakifi dhe Edmondi do të mbesin përherë në kujtesën tonë për luftën e tyre të paepur për çlirimin e vendit. Rënia e tyre heroike mobilizoi UÇK-në për ta vazhduar luftën deri në arritjen e lirisë”, ka shkruar ndër të tjera kreu i Nismës.

Shkrimi i plotë:

Në 23-vjetorin e rënies heroike, përkujtojmë me pietet një nga strategët më të mëdhenj të Ushtrisë Çlirimtarë të Kosovës dhe një nga themeluesit e saj, Zahir Pajazitin dhe bashkëluftëtarët e tij, Hakif Zejnullahun dhe Edmond Hoxha. Zahiri, Hakifi dhe Edmondi do të mbesin përherë në kujtesën tonë për luftën e tyre të paepur për çlirimin e vendit.

Rënia e tyre heroike mobilizoi UÇK-në për ta vazhduar luftën deri në arritjen e lirisë. Lavdi jetës dhe veprës të komandantit, Zahir Pajaziti dhe bashkëluftëtarëve të tij, Hakif Zejnullahu dhe Edmond Hoxha! Lavdi të gjithë dëshmorëve të Kombit! FL