Liverpool ka vendosur sytë te Alexander Isak, sulmuesi suedez i Neëcastle United, dhe nuk bëhet fjalë thjesht për një interes të zakonshëm. Prej javësh, në Anfield po monitorohen nga afër bisedimet që Neëcastle po zhvillon me lojtarin për një mundësi rinovimi të kontratës. Bordi drejtues i "The Reds" dëshiron të veprojë shpejt nëse këto negociata nuk përfundojnë me sukses.

Skuadra e drejtuar nga Arne Slot është e gatshme të bëjë një ofertë të rëndësishme: 120 milionë euro. Nga kjo shumë, 100 milionë do të jenë fikse, ndërsa 20 milionët e tjerë do të vijnë përmes variablave të lidhura me paraqitjet dhe objektivat e arritura nga lojtari.

Isak ka qenë një nga lojtarët më të spikatur të Neëcastle këtë sezon. Me golat, lëvizshmërinë dhe vizionin e tij në zonën kundërshtare, ai ka treguar se është një sulmues i kompletuar, me potencialin për të kaluar në një ekip që lufton për trofe. Te Liverpooli e shohin si një element kyç për të rinovuar repartin ofensiv, veçanërisht për shkak të ndryshimeve të pritshme në skuadër pas fillimit të ciklit të ri me Arne Slot.

Suedezi, i cili mbërriti në Angli me pritshmëri të larta, i ka përmbushur dhe madje i ka tejkaluar ato. Në moshën 25-vjeçare, ai ndodhet në momentin ideal për të hedhur hapin tjetër në karrierë, dhe klubi nga Merseyside mund të jetë destinacioni perfekt për të vijuar rritjen.

Ndërkohë që Neëcastle përpiqet ta bindë të qëndrojë në veri të Anglisë, Liverpool mbetet vigjilent, me çekun gati. Ata e dinë se nuk janë të vetmit në garë për Isak, por janë të gatshëm të bëjnë një bast serioz për të.