Werder Bremeni do të ishte i gatshëm ta shesë gjatë verës që vjen yllin kosovar për 38 milionë euro
Liverpool dhe Aston Villa janë duke e udhëhequr garën për Milot Rashicën, shkruan Gazeta Express.
Ylli kosovar është bërë objektiv i klubeve angleze falë paraqitjeve mbresëlënëse me Werder Bremenin.
Edhe pse ekipit gjerman nuk po i ecën punët mirë, futbollisti vushtrrias ka qenë i vetmi që ka shfaqur formë optimale.
“Reds” janë të interesuar ta përforcojnë fazën e sulmit, ndërsa Aston Villa do t’ia mësynte atij nëse nuk bie në Championship.
Liverpooli e sheh atë si zëvendësues të Xherdan Shaqirit, i cili pritet të largohet nga kampioni evropian dhe botëror.
23 vjeçari do t’i kushtonte Liverpoolit ose Aston Villës 38 milionë euro.
Rashica i ka realizuar 10 gola dhe i ka dhuruar 5 asistime në 24 ndeshje këtë sezon.
Përfaqësuesi kosovar e kishte nisur karrierën tek Vushtrria, ndërsa më pas ishte transferuar në Holandë tek Vitesse.
E më tej në vitin 2018 tek Werder Bremeni, ku është përmirësuar gradualisht. /Gazeta Express/
