Liverpool ka njoftuar një sërë homazhesh të veçanta për Diogo Jota, pas vdekjes tragjike të sulmuesit portugez në fillim të këtij muaji.

Jota dhe vëllai i tij më i vogël, Andre Silva, humbën jetën në një aksident automobilistik në Zamora, në veriperëndim të Spanjës, pasi makina në të cilën udhëtonin pësoi një defekt në gomë gjatë një parakalimi.

Tragjikisht, aksidenti ndodhi vetëm disa javë pasi Jota ishte martuar me të dashurën e tij të fëmijërisë, Rute Cardoso, nënën e tre fëmijëve të tij.

Funerali i vëllezërve u mbajt pak ditë më vonë dhe morën pjesë trajneri Arne Slot dhe shumë nga bashkëlojtarët e Jotës te Liverpool, të cilët kishin festuar titullin e Premier League me të vetëm disa muaj më parë.

Liverpool reagoi menjëherë duke nderuar ish-yllin e Ëolves duke pezulluar fanellën me numrin 20 në të gjitha nivelet e klubit, por tashmë janë konfirmuar edhe homazhe të tjera më të përhershme për Jotën.

Sipas një artikulli në faqen zyrtare të klubit, mijëra homazhe të përbëra nga shalla, fanella dhe vepra arti të vendosura si memorial i përkohshëm janë hequr, janë ruajtur dhe do të përdoren. Elementët lule do të kompostohen dhe do të përdoren në lulishtet e Anfield, AXA Training Centre dhe Melëood.

Artefakte të tjera do të riciklohen dhe do të bëhen pjesë e një skulpture përkujtimore që do të vendoset jashtë stadiumit Anfield në të ardhmen.

Në dy ndeshjet që Liverpool do të zhvillojë në Azi gjatë parasezonit, fanellat e kampionëve të Anglisë do të kenë një patch të veçantë me mbishkrimin “Diogo J. 20” si një kujtim i bukur.

Gjithashtu, me prezantimin e fanellave të reja Adidas më 1 gusht, një emblemë “Forever 20” do të shtypet në fanellat e lojtarëve dhe xhaketat zyrtare të stadiumit për të gjithë sezonin.

Tifozët që dëshirojnë të respektojnë Jotën duke shtypur emrin e tij në pjesën e pasme të fanellës, do të kenë mundësinë ta bëjnë këtë, dhe të gjitha të ardhurat do të shkojnë për fondacionin zyrtar të klubit, LFC Foundation, i cili do të krijojë një program futbolli për fëmijë në emrin e tij.

Në çdo ndeshje miqësore të verës, do të vendosen homazhe me lule në fushë dhe një minutë heshtje do të mbahet në ndeshjen hapëse të sezonit kur Liverpool të presë Bournemouth të premten, më 15 gusht.

Klubi tha se “detaje të mëtejshme do të ndahen me tifozët në kohën e duhur” dhe falënderoi të gjithë për “mbështetjen e vazhdueshme”.

Liverpool do të përballet me AC Milan në Hong Kong përpara se të luajë kundër Yokohama F. Marinos në “Nissan Stadium”, përpara një dyshe përballjesh me Athletic Club më 4 gusht – gjashtë ditë para ndeshjes së Community Shield ndaj Crystal Palace në Ëembley.