Liverpool po vendos sot nëse Mohamed Salah do të përjashtohet nga skuadra për ndeshjen e Ligës së Kampionëve kundër Inter Milan, pas deklaratave të forta të sulmuesit egjiptian pas barazimit 3-3 me Leeds.

Salah tha se marrëdhënia me trajnerin Arne Slot është e thyer dhe se ndihet i nënvlerësuar nga media angleze, por nuk ka thënë kurrë se dëshiron të largohet nga Liverpooli, siç e shtrembëruan disa media.

Sipas Fabrizio Romano, Salah nuk ka nisur asnjë negociatë me Saudi Pro League dhe aktualisht nuk ka asnjë marrëveshje për largimin e tij.

Në anën tjetër, Slot ka mbështetjen e bordit të Liverpoolit, por klubi ka bërë kontakt të hershëm me Steven Gerrard për të marrë drejtimin e përkohshëm në rast se trajneri shkarkohet.