Sot ka nisur edhe dita e tretë e Lojërave Olimpike Dimërore, pjesë e të cilave është edhe Kosova me dy garues.
Bëhet fjalë për Albin Tahirin dhe Kiana Kryeziun që do ta përfaqësojnë Kosovën në Pekin të Kinës, shkruan Gazeta Express.
Ndërkohë në tabelën e medaljeve momentalisht prin Norvegjia me dy medalje gjithsej, të dyjat të arta.
Ajo është e ndjekur nga Rusia, që përfaqësohet me emrin "Komiteti Olimpik i Rusisë" me 4 medalje në total, një të artë, dy të argjendta dhe një të bronztë.
Sllovenia vazhdon e treta me një të artë dhe një të bronztë, kurse Kina, Holanda e Zelanda e Re e mbyllin top-6shen me nga një medalje të artë.
