Pas trajnerit Pep Guardiola, edhe lojtarët pritet ta ndjekin rrugën e tij për ta pranuar uljen e pagave të majme

Manchester City pritet të bëhet klubi i parë anglez që do të njoftojë për uljen e pagave të futbollistëve.

Këtë e bën të ditur mediumi “The Times”, përcjell "Gazeta Express".

Trajneri Pep Guardiola ka njoftuar tashmë se do të marrë rrogë më të vogël.

Dhe, shefi ekzekutiv i “Citizens”, Ferran Soriano pret që edhe lojtarët ta ndjekin rrugën e trajnerit.

City pritet t’i humbasë afro 110 milionë euro nëse sezoni i Premierligës nuk përfundon.

Klubet evropiane janë futur në krizë financiare shkaku i pandemisë koronavirus.

Lojtarët e Barcelonës kanë pranuar t’ju ulen pagat për 70 për qind për një kohë. /Gazeta Express/