Ylli i Leicesterit, Patson Daka, pati fat të shmangte një dëmtim serioz pasi ra në qafë gjatë festimit të golit të shënuar në Kupën e Kombeve të Afrikës.
Sulmuesi 27-vjeçar shënoi golin e barazimit në minutat shtesë gjatë përballjes së Zambias me Malin në fazën e grupeve.
Daka realizoi me kokë pas një harkimi, pas gabimit të Lassine Sinayoko që mendoi se kishte shënuar golin e fitores.
El Bilal Toure gjithashtu humbi mundësinë për të thyer barazimin kur gaboi një penallti për Malin në pjesën e parë.
Por reagimi i Dakas për të festuar golin e vonë shkoi keq, pasi krahu i tij nuk mbajti gjatë tentativës për një rrotullim akrobatik, duke bërë që ai të bjerë në mënyrë të pakëndshme në qafë në “Stade Mohammed V” në Casablanca.
Fatmirësisht për trajnerin e Leicesterit, Marti Cifuentes, dhe për Zambian, duket se ai shmangu dëmtimet serioze.
WTF.. Patson Daka landed on his neck trying to do a backflip celebration after scoring a last minute goal for Zambia against Mali 😭😭😭 pic.twitter.com/vmuSkaSmbX
Daka shpreson të ketë një tjetër mundësi për të realizuar festimin akrobatik kur vendi i tij përballet me Komoret të premten.
Sulmuesi u bashkua me Leicesterin me një marrëveshje prej 23 milionë paundësh nga RB Salzburg më 2021, duke mposhtur interesimin e Liverpoolit dhe Chelseat.
Por Daka ka pasur vështirësi të lërë gjurmë në Premierligë, me vetëm dhjetë gola në 76 paraqitje.
Vështirësitë me formën kanë vazhduar edhe këtë sezon në Championship, pasi ka shënuar vetëm një gol deri tani.
Leicesteri mund të jetë pa Dakan deri në mes të muajit tjetër nëse Zambia arrin deri në finalen e Afcon.
Ai sigurisht do të mungojë në ndeshjet e “Foxes” kundër Watfordit dhe Derbyt gjatë periudhës festive.
Ekziston mundësia që Daka të kthehet në kohë për ndeshjen me Sheffield Unitedin në Ditën e Vitit të Ri nëse Zambia eliminohet shpejt.
Jordan Ayew dhe Julian Carranza janë sulmuesit qendrorë të vetëm të Leicesterit në mungesë të tij, por ish-sulmuesi i West Hamit, Michail Antonio, gjithashtu po stërvitet me skuadrën dhe mund t’i ofrohet një kontratë./GazetaExpress/
