Pavarësisht një faze përgatitore të shkurtuar, Real Madridi e ka nisur në mënyrë të përsosur sezonin 2025-26 me tre fitore nga tre ndeshje.

Federico Valverde, është një nga lojtarët më të përdorur, i cili prej disa vitesh është një nga yjet më të rëndësishëm të klubit. 27-vjeçari është një opsion shumë i gjithanshëm, por mbi të gjitha ka qenë pothuajse gjithmonë i pranishëm për “Los Blancos”.

Këtë e tregon edhe një statistikë mbresëlënëse, sipas “Diario AS”. Që nga 1 gushti i vitit të kaluar, Valverde ka zhvilluar 78 paraqitje për klubin dhe kombëtaren, duke grumbulluar plot 6,618 minuta në total.

495 nga këto minuta kanë ardhur këtë sezon, pasi ai ka luajtur çdo minutë të tre ndeshjeve hapëse të Real Madridit, si dhe të dy ndeshjeve kualifikuese të Uruguait për Kupën e Botës 2026 gjatë pushimit ndërkombëtar.

Kishte shqetësime se Valverde mund të mos ishte gati për ndeshjen e sotme të Realit, por për fatin e mirë të Real Madridit, ai është kthyer nga kombëtarja në gjendje të mirë fizike. Megjithatë, ai nuk startoi në ndeshjen ndaj Real Sociedadit, duke qenë në bankën rezervë.

Ai luajti për 45 minuta në fitoren prej 2-1 të Realit ndaj Sociedadit.

Kjo është dëshmi e procesit të tij të rikuperimit dhe e nivelit të lartë të përgatitjes fizike që i kanë mundësuar të luajë kaq shumë ndeshje në një periudhë kaq të shkurtër, por njëkohësisht nënvizon edhe ngarkesën e madhe të lojtarëve në futbollin modern, që po shihet gjithnjë e më shumë si shqetësim./GazetaExpress/