Ademola Lookman ka bërë një hap të madh drejt largimit nga Atalanta.

Sipas Fabrizio Romanos, sulmuesi nigerian ka dorëzuar zyrtarisht kërkesën për transferim, pasi klubi bergamask refuzoi ofertën e parë të Interit për të.

Lookman, i cili ka qenë një nga lojtarët më të rëndësishëm të Atalantës në sezonet e fundit, tashmë e ka bërë të qartë se dëshiron të bashkohet me Interin, kampionët e Italisë.

Situata pritet të marrë zhvillime të reja në ditët në vijim, pasi Interi pritet të rikthehet me një ofertë të përmirësuar për të bindur Atalantën ta lërë të lirë sulmuesin 26-vjeçar.

Me formën e tij të shkëlqyer dhe fleksibilitetin në sulm, Lookman shihet si një përforcim ideal për repartin ofensiv të Interit, që synon të mbrojë titullin në Serie A dhe të jetë konkurrues në Champions League.