Si çdo shqiptar që është i ‘dashuruar’ në futbollin e yllit kosovar, Edon Zhegrovës, ashtu po del të jetë edhe klubi i tij aktual, Juventusi.
Që nga transferimi i tij, klubi më i madh italian nuk po i ndalë videot/fotot të postuara enkas për të.
Njëjtë ka bërë edhe sot “Zonja e Vjetër”, e cila postoi një video të tij, me aksione të tij gjatë tërë ndeshjeve që është aktivizuar.
“Luan dhe i pandalshëm”, shkruan Juventusi në “Instagram”.
Edon Zhegrova duket se i ka bërë për vete italianët, me driblimet e tij unike, të cilat i ngrisin në këmbë tifozët në tribuna.
Zhegrova kaloi te Juventusi nga Lille në ditën e fundit të afatit kalimtar të verës për shumën që i afrohej 20-milionëshit./GazetaExpress/
