Presidenti amerikan Donald Trump thotë se u kërkoi kombeve të tjera të ndihmonin në Ngushticën e Hormuzit "jo sepse kemi nevojë për to, por sepse dua të di se si reagojnë", ka raportuar BBC, transmeton Gazeta Express.

Më pas ai përsërit një pretendim që e ka bërë edhe më parë, se SHBA-të gjithmonë mbrojnë vendet e tjera, por vendet e tjera nuk do të na mbrojnë kur kemi nevojë.

Duke folur për Mojtaba Khamenei-n, udhëheqësin e ri suprem të Iranit, Trump thotë se ka dëgjuar raporte nga këshilltarët e tij dhe media se ai është shpërfytyruar si rezultat i sulmeve, ose se ka humbur një këmbë.

"Nuk e dimë nëse është i vdekur apo jo," thotë Trump. "Askush nuk e ka parë, gjë që është e pazakontë."

Agjencia e lajmeve Reuters, duke cituar një zyrtar iranian të paidentifikuar, raportoi se Khamenei ishte "i plagosur lehtë", por nuk ka pasur detaje.