Paris Saint-Germain fitoi mbrëmë në finale ndaj Interit – madje me një rezultat të thellë prej 5-0 – duke fituar Ligën e Kampionëve për herë të parë në histori.

Madje, Parisi u bë klubi i parë francez që e fitoi Tripletën e famshme, pasi më parë e kishin siguruar edhe ligën, por edhe Kupën e Francës.

Një nga lojtarët kyç të skuadrës ishte edhe Ousmane Dembele, i cili e udhëhoqi skuadrën drejt këtyre sukseseve të mëdha.

Kështu tha edhe trajneri i PSG-së, Luis Enrique.

Ai tha fjalët më të mira për të, duke thënë se Ousmane Dembele është Topi i Artë për të, për këtë vit.

“Do t’ia jepja Topin e Artë zotëri Ousmane Dembeles. Mënyra se si ai u mbrojt sot... Vetëm kjo mund të ketë vlerën e Topit të Artë. Kjo është se si e udhëheq një ekip. Gola, tituj, lidership, duke u mbrojtur, si po bënte presion. Ousmane është Topi i Artë për mua. Pa asnjë dyshim madje”, tha Enrique.

Dembele këtë sezon ka shënuar 33 gola dhe ka dhuruar 15 asistime në 49 ndeshje të zhvilluara./GazetaExpress/