Këngëtari Luiz Ejlli lansoi sonte këngën e tij në duet me Teuta Selimin.
Kënga që është një prodhim i SBS Entertainment erdhi disa orë pasi që Luiz Ejlli u dënua me një vit burg si pasojë e një mashtrimi nga Gjykata.
“Lamtumirë” quhet kjo baladë të cilën e ka prodhuar SBS derisa tekstin e saj e ka shkruar Fifi.
Para se të lansohet kjo këngë, Ejlli u pyet për dënimin nga mediat në Shqipëri, por ai zgjodhi që të mos flas për këtë rast.
“Po, sot në orën 19:00 del kënga e re. Faleminderit për interesimin. Është duet me Teuta Selimin se harrova. Nuk jap intervista, as nuk dal në emisione. E kam vendosur me kohë këtë gjë. Unë jam këngëtar, thjesht këndoj. Mos harro në 19:00”, tha Luizi.
Kujtojmë së kënga e tij nuk u lansua në orën 19:00 por dy orë më vonë pasi që ajo kishte disa gabime teknike. /GazetaExpress/
