Luiz Ejlli ka treguar se ka përjetuar momente paniku një natë më parë, pasi avioni me të cilin po kthehej në Tiranë, nuk arriti që të ulej në kryeqytet për shkak të turbulencave.

Ai thotë se avioni u detyrua që të bënte ulje nën Shkup.

“Mbrëmë kam parë hata me sy, jo vetëm unë por të gjithë ata që ishin, o Zot faleminderit. Kishte shumë turbulenca dhe nuk u ul dot në Tiranë. U ul në Shkup”, tregon Luzi përmes një videoje në rrjetet sociale.

Kujtojmë se Luizi pas Big Brother VIP Albania 2 vazhdimisht është i angazhuar nëpër koncerte në vende të ndryshme të Botës.