Aivo Orav, shefi i Zyra e Bashkimit Evropian në Kosovë, pritet që së shpejti të marrë një detyrë të re diplomatike në Turqi.
Lajmi është bërë i ditur nga Matti Maasikas, sekretar i përgjithshëm në detyrë në Shërbimi Evropian për Veprime të Jashtme (EEAS), i cili e ka falënderuar Oravin për punën e tij dhe i ka uruar suksese në detyrën e re.
Përmes një postimi në rrjetin social X, Maasikas vlerësoi kontributin e Oravit gjatë shërbimit në Kosovë, duke theksuar se ai ka bërë një punë të shkëlqyer.
“Faleminderit Aivo Orav për punën e shkëlqyer në Kosovë! Do të mungosh shumë. Urime për detyrën e re në Turqi dhe jam i lumtur që do të vazhdojmë të punojmë së bashku, ashtu si kemi bërë ndër vite në role të ndryshme”, ka shkruar Maasikas.
Thank you @AivoOrav for the great job done in Kosovo! You will be sorely missed. Congratulations on your next assignment in Türkiye and am very happy to continue working together - as we have done over decades in various roles. Jõudu! pic.twitter.com/cm7gf2jNP1
Në fotografitë e publikuara bashkë me postimin, Maasikas dhe Orav shihen duke u përshëndetur para ndërtesës së EEAS, duke simbolizuar bashkëpunimin e gjatë mes tyre.
Orav ka udhëhequr Zyrën e BE-së në Kosovë gjatë një periudhe të rëndësishme për zhvillimet politike dhe procesin e integrimit evropian të vendit, duke mbështetur reformat demokratike dhe bashkëpunimin rajonal.
Ai mori detyrën si shef i Zyrës së BE-së në Kosovë më 2 shtator 2024, duke pasuar në këtë post Thomas Szunyog.
