Presidenti francez, Emmanuel Macron, ka folur për zhvillimet e fundit në Iran dhe Ngushticën e Hormuzit gjatë një vizite në Korenë e Jugut.
Ai tha se sulmet e SHBA-së dhe Izraelit ndaj Iranit nuk do të zgjidhin çështjen e programit bërthamor të Iranit, duke theksuar rëndësinë e diplomacisë.
“Nëse nuk ekziston një kornizë për negociata diplomatike dhe teknike, situata mund të përkeqësohet sërish brenda disa muajve ose viteve,” tha Macron.
Presidenti francez gjithashtu e konsideroi të parealizueshme një operacion ushtarak për hapjen e Ngushticës së Hormuzit.
“Do të kërkonte një kohë jashtëzakonisht të madhe dhe do të ekspozonte çdo subjekt që kalon ngushticën ndaj kërcënimeve bregdetare nga Gardat Revolucionare iraniane, të cilat kanë burime të konsiderueshme, raketa balistike dhe një mori rreziqesh të tjera,” tha Macron. /AlJazeera
