Portieri i Milanit, Mike Maignan, thuhet se ka refuzuar një ofertë nga Juventus, pavarësisht se bardhezinjtë i propozuan një pagë më të lartë se ajo që përfiton aktualisht në Milano.

Eksperti i merkatos Matteo Moretto raporton se Juventusi hapi bisedime me Maignan në fund të vitit 2025 për të testuar mundësinë e një transferimi si lojtar i lirë në verë.

Sipas tij, drejtuesit e klubit kontaktuan përfaqësuesit e portierit mes nëntorit dhe dhjetorit dhe ishin të gatshëm t’i ofronin një pagë pak më të lartë se ajo te Milani.

Megjithatë, Maignan mori kohën e tij për të vendosur, duke theksuar se prioriteti i tij ishte të qëndronte te Milani, dhe në fund firmosi një kontratë të re deri në vitin 2031.

Sipas Morettos, marrëveshja teknikisht zgjat deri në vitin 2030, me një opsion për një sezon shtesë që mund të aktivizohet nga klubi.

Bayern Munich kontaktoi Maignani mes shtatorit dhe tetorit, por nuk bëri një tentativë të dytë më pas, ndërsa Chelsea kishte zhvilluar bisedime gjatë verës.

Mbetet për t’u parë nëse Juventusi do të bëjë ndryshime në portë sezonin e ardhshëm, pasi Michele Di Gregorio është kritikuar shumë javët e fundit.

“Bardhezinjtë” kanë pësuar 13 gola këtë sezon nga goditja e parë në portë.

Portieri i dytë, Mattia Perin, ishte shumë pranë rikthimit te Genoa në janar, por Juventusi refuzoi ta linte të largohej, edhe për shkak të diferencës mes kërkesës së tyre dhe ofertës së Genoas.

Perin do të qëndrojë në Torino deri në fund të sezonit, por sipas Morettos ekzistojnë “mundësi konkrete” që ai të largohet nga klubi në përfundim të kampionatit./GazetaExpress/