Xhudistja më e madhe kosovare, Majlinda Kelmendi feston sot ditëlindjen e saj të 30-të.
Ishte trajneri i saj, Driton Kuka që ia uroi, duke e falënderuar për emocionet që ia ka dhuruar, shkruan Gazeta Express.
"Heroinë! Urime Ditëlindja! Shumë krenar me veprën tande! Të jam mirënjohës deri në frymën e fundit për krejt emocionet që mi ke dhuruar deri sot ...Dhashtë Zoti 100 të lumtura t'i gëzosh ashtu siç gëzove një Komb me sukseset tua" - shkroi Kuka në profilin e tij në Facebook.
Përveç sukseseve tjera, Majlinda Kelmendi ka siguruar medalje të artë në Lojërat Olimpike të Xhudos në vitin 2016 dhe në Lojërat Europiane të vitit 2019.
Suksesin e vitit 2016, ajo do të tentojë ta përsërisë këtë vit kur do të mbahen Lojërat Olimpike.
Për shkak të sukseseve të mëdha të saj dhe përfaqësimin e dinjitetshëm të Kosovës, Majlindës i është ngritur një përmendore në qytetin e saj të lindjes, në Pejë.
/Gazeta Express/
