Analisti politik, Shkëlzen Maliqi, ka thënë posti i presidentit nuk do të duhej t’i takonte asnjë partie, sepse, sipas frymës së Kushtetutës, në momentin që propozohet cilido kandidat ai nuk duhet të jetë anëtar partie, cilado qoftë ajo, ose të paktën duhet të jetë i dorëhequr nga partia.

Ai në Facebook shkruan se në këtë kuptim posti i presidentit në vitin 2021, assesi nuk mund të jetë i LDK-së si dhe atë nuk mund ta pretendojë as sot.

“Mund të kërkojë përparësi në propozimin e kandidatit apartiak dhe koncensual për president, kjo është e arsyetueshme. Nëse LDK-ja e pat bërë në vitin 2014 pazarin paraprak me PDK-në që Hashim Thaçit t’i rezervohet zgjedhja për president, sot nuk e ka partnerin që bën keso pazare, kështu që e ka më mirë të kënaqet me ndarjen e dakorduar të posteve sesa të rrezikojë përsëritjen e zgjedhjeve, në të cilat mund të dalë shumë me keq se me 6 tetor”, shkruan ai.