Gjigantët e futbollit anglez ia kanë vënë syrin sulmuesit meksikan, të cilin e do edhe Real Madridi

Raul Jimenez është bërë objektiv i klubeve të mëdha evropiane, shkruan Gazeta Express.

Paraqitjet pozitive me Wolverhamptonin në Premierligë kanë bërë që sulmuesi meksikan ta zgjojë interesimin e klubeve të njohura.

Ditë më parë flitej për një interesim të Real Madridit për sulmuesin e rrezikshëm.

Tabloidi britanik “Daily Star” shkruan se tash në garë për futbollistin jug-amerikan janë futur edhe Manchester Unitedi dhe Arsenali.

Wolves i kërkojnë 90 milionë euro për Jimenezin.

Edhe vetë futbollisti është i interesuar për ta bërë hapin e radhës në karrierë gjatë verës që vjen. /Gazeta Express/