Manchester City është favorit për ta fituar betejën katërfrontëshe për djaloshin e artë të Interit, Lautaro Martinez, sipas mediave britanike.
City është i gatshëm ta paguajë klauzolën e lirimit të argjentinasit në vlerë 111 milionë euro, pasi të përfundojë kriza koronavirus, transmeton Gazeta Express.
Interesimin më të madh për Martinezin deri tani e ka shfaqur Barcelona, ndërkohë që në garë për të janë futur edhe Real Madridi e Chelsea.
Por gjigantët e LA Ligës dhe Chelsea ose nuk janë në gjendje ose nuk duan ta paguajë shumën e lartë në klauzolën e tij.
22-vjeçari iu bashkua Interit nga Racing Club në verën e vitit 2018.
Sulmuesi argjentinas, i cili i ka shënuar 16 gola për Interin këtë sezon, i ka edhe tri vjet në kontratën e tij aktuale me klubin.
Trajneri i City, Pep Guardiola, e sheh Martinezin si zëvendësues afatgjatë të Sergio Agueros. /Gazeta Express/
