Festa në T7 nis të dielën me programin e mëngjesit “#Gjesi”, ekipi i të cilit ka përgatitur një edicion special me muzikë live, të ftuar interesantë dhe materiale të shumta.

Këngëtarja e famshme Shpresa Gashi, më pas edhe Fatmir Limaj janë vetëm dy nga të ftuarit e shumtë në mëngjes, program ky i cili do të nisë nga ora 09:00 dhe do të zgjasë për 5 orë të tëra.

Pjesë e tij do të jenë edhe materiale me personazhe virale e interesante që e kanë karakterizuar vitin 2023, siç është Malsorja e Deçanit.

Më pas, në T7 vjen edhe Zoja Nushi me një edicion festiv dhe tejet interesant nga qendra e Prishtinës. Pas shumë vizitave nëpër qytetet e Kosovës, ky episod i saj do të jetë ‘flakë’ me shumë intervista dhe deklarata të vetë Zojës, derisa edhe paraqitja e saj do të jetë shumë atraktive. Ajo ka shpërndarë edhe disa dhurata.

Në mbrëmje, T7 do ta nisë programin me të vegjëlit që si gjithmonë krijojnë një atmosferë fantastike me këngë e balet. Fillimisht do të prezantohet me disa pika studio e baletit, “Behia’s Dance” dhe më pas kori i fëmijëve “Okarina”. Mes tjerash, do të mund të dëgjoni një interpretim të tyre të jashtëzakonshëm të këngës së famshme “Udhët e mia” të këngëtarit, Ilir Shaqiri.

Pas këtyre pikave, T7 sjellë pjesën e dytë të komedisë “Na atje, ata këtu” me aktorët: Fatmir Spahiu, Donat Qosja dhe Fatmir Spahiu, me pjesëmarrje edhe të disa emrave të njohur të aktrimit në Shqipëri. Komedia që nuk duhet ta humbni nis nga ora 21:00.

Dhe, pas komedisë, në T7 nisë festa e muzikës, programi qendror muzikor, “Kangë e dashni”, i cili karakterizohet me këngë të mirëfillta popullore, ato të muzikës argëtuese e shumë festive, dhe po ashtu këngë të dashnisë.

Nën kujdesin profesional të kompozitorit, Valton Beqiri dhe me pjesëmarrjen e Shyhrete Behlulit, ‘TNT’-së, Adelina Thaçit, Shoqërisë kulturore “Përparimi”, Teuta Kurtit, Vera Oruçajt e Sunaj Saraqit, Florent Abrashit, Besa Llugiqit, Zana Ramadanit e shumë emrave të tjerë, ky program do t’iu bëjë të kënaqeni e të ‘udhëtoni’ nëpër kohë me këngë të bukura shqipe.

Programi festiv në T7 vazhdon më 1 dhe 2 janar me emisionet, si:, “Canapé festive” me Taynën, “Darka”, “Viti i Ri n’katun” dhe shumë të tjera që premtojnë argëtim për këto ditë festive.

Qëndroni me T7!