Trajneri i Chelseat, Enzo Maresca, është ende i frustruar nga humbja e së martës kundër Atalantës në Ligën e Kampionëve: “Nëse e rishikoni golin e parë, ata kishin një lojtar brenda zonës, ndërsa ne kishim shtatë lojtarë.”
Trajneri italian Maresca analizoi sërish fitoren e Atalantës ndaj skuadrës së tij gjatë një konference për shtyp të premten.
“La Dea” siguroi një fitore të paharrueshme 2-1 në Bergamo këtë javë falë golave të Gianluca Scamacca dhe Charles De Ketelaere.
“Blues” do të presin Evertonin në Premierligë nesër.
“Arsyeja pse humbëm pikë, përsëri, sepse ky është futbolli. Kundër Bournemouth në transfertë, barazuam. Leeds jashtë ishte një ditë e keqe për ne, për të gjithë ne,” tha Maresca për “Football London”.
“Ndeshja me Atalantën, përsëri, është një ndeshje që për mua, ishim në lojë, po fitonim, ishim mirë. Dhe pësuam gol. Nëse e rishikoni golin e parë, ata kishin një lojtar brenda zonës dhe ne kishim shtatë lojtarë. Pra, ishim shtatë kundër njërit dhe prapë e pësuam. Këto gabime të mëdha janë gjëra që duhet t’i përmirësojmë”, tha ai.
Maresca gjithashtu ka fituar çmimin “Trajneri i Muajit në Premierligë” për nëntorin, por nuk la shumë vend për festë: “Tani është dhjetor,” tha ai.
Atalanta aktualisht është klubi i renditur më lart nga Serie A në Ligën e Kampionëve dhe tashmë është kualifikuar matematikisht për fazën playoff të eliminimit direkt.
Megjithatë, dy fitore të tjera në dy ndeshjet e mbetura të fazës së ligës do t’i siguronin “La Deas” një vend në 1/8 e finales.
Atalanta ka marrë 16 pikë në 14 ndeshje të Serie A këtë sezon dhe nesër do të presë Cagliarin në ndeshjen e radhës të kampionatit./GazetaExpress/
