Gazetari investigativ kroat, Domagoj Margetiq ka hedhur akuza të rënda ndaj presidentit të Serbisë, Aleksandar Vuçiq, dhe Shërbimit Informativ të Serbisë (BIA), duke thënë se përmes mediave proqeveritare së Serbi po zhvillohet një fushatë propagandistike kundër Kishës Ortodokse Serbe në Kroaci.

Në një reagim në “X”, Margetiq, ka shkruar se, sipas tij, buletinet e BIA-s dhe mediat e pushtetit në Serbi, po promovojnë idenë e shfuqizimit të Kishës Ortodokse Serbe në Kroaci, dëbimin e serbëve si dhe themelimin e të ashtuquajturës “kishë ortodokse kroate”, të cilën ai e cilëson si fashiste.

Sipas tij, bëhet fjalë për një narrativë të rrezikshme, pasi të njëjtat mund të nxisin tensione etnike dhe fetare në rajon.

“Aleksandër Vuçiq dhe buletinet e tij të BIA-s, përmes mbetjeve propagandistike si Informer, Novosti, Kurir, Alo, Blic, B92 dhe llumi tjetër i BIA-s, po promovojnë shfuqizimin e Kishës Ortodokse Serbe në Kroaci, dëbimin e serbëve dhe themelimin e asaj që e quajnë ‘kisha ortodokse kroate’, fashiste dhe paveliçiane”, ka shkruar ai në “X”, sipër videos që ka shpërndarë në rrjet.