Pas vendimit zyrtar të Konfederatës Afrikane të Futbollit (CAF), e cila ia dha Marokut trofeun e Kupës së Afrikës 2025 në tavolinë, vendimi e ka shkaktuar një jehonë të madhe dhe e ka nxitur një gëzim të pakontrolluar në të gjithë vendin veri‑afrikan.

Dy muaj pas humbjes në fushë nga Senegali në finale, marokenët janë shpallur zyrtarisht fitues me rezultatin 3‑0 në tavolinë — një kthesë kaq emocionuese saqë menjëherë i ka ndezur tifozët, shkruan “The Guardian”, përcjell “Gazeta Express”.

Morocco celebrate AFCON win 🚗🔊

🎥 @le360sport @anaszabarii pic.twitter.com/frifeY6Kq3

Në rrugët e qyteteve të mëdha marokene ka pasur festa spontane, me mijëra tifozë që kanë dalë për ta festuar lajmin dhe për ta shprehur krenarinë e tyre për titullin e fituar.

Vendimi erdhi pasi Bordi i Apelit i CAF-it  konfirmoi se Senegal e humbi ndeshjen për shkak të thyerjes së rregullave gjatë finales: skuadra senegaleze e kishte lëshuar fushën për një protestë ndaj një penalltie të diskutueshme dhe, sipas rregulloreve, kjo sjellje e shkakton humbjen me rezultat 3‑0 në tavolinë.

Tema ka shkaktuar debate të forta në mbarë botën sportive — ndërsa disa e shohin vendimin si zbatim strikt të rregullave, të tjerë e kritikojnë kohën e gjatë për ta marrë vendimin dhe kontestin e krijuar. /Gazeta Express