Distria Krasniqi po tregohet e pandalshme sot në Mastersin e xhudos që po mbahet në Budapest të Hungarisë.
Kampionia olimpike triumfoi me IPPON në gjysmëfinalen e kategorisë deri në 52 kilogramë ndaj hungarezes, Reka Pupp.
Xhudistja kosovare kësisoj e siguron të paktën medaljen e argjendtë nga ky kompeticion.
Në finale për medaljen e artë, Distria Krasniqi do të ketë punë me xhudisten franceze, Amandine Buchard.
Blloku final do të fillojë nga ora 17:00, kurse dueli i Distrias do të jetë rreth orës 18:00.
Sot gjithashtu në garë ishte edhe Nora Gjakova, por ajo u ndal në raundin e dytë.
Nesër do të garojnë edhe Akil Gjakova dhe Laura Fazliu. /Gazeta Express/
