Max Verstappen u shpall kampion i botës në Formula 1.
Ngasësi holandez e siguroi titullin e tretë të kampionit në këtë sport me plot adrenalinë pas triumfit që e pati në Qatar Grand Prix.
Ai i la prapa Sergio Perezin dhe Lewis Hamiltonin, të cilët e mbyllën sezonin në pozitat dy dhe tre.
26 vjeçari i theu disa rekorde në sezonin që përfundoi në fund të nëntorit, shkruan “Gazeta Express”.
Ai i fitoi plot 19 gara në sezonin e fundit, duke e thyer rekordin e tij prej 15 triumfesh të vitit 2022.
Ishte po ashtu 21 herë në podium.
Gjithashtu, ai e theu edhe rekordin e Sebastian Vettel duke i fituar radhazi 10 gara në Formula 1.
Në total, Verstappen i fitoi 86.36% të garave, një statistikë e jashtëzakonshme kjo.
Ai i shënoi katër fitoret më të shpejta të sezonit, më së shumti pikë në renditje – plot 575 dhe përqindjen më të lart të pikëve – 92.7%. /Gazeta Express/
