Në 24 orët e fundit, Kylian Mbappe është rikthyer te Real Madridi, pasi u largua nga grumbullimi i Francës pas fitores 4-0 ndaj Ukrainës. Sulmuesi u dëmtua në kyç të këmbës gjatë asaj ndeshjeje, çka do të thotë se ai nuk do të jetë i përfshirë në ndeshjen e fundit kualifikuese të “Gjelave” për Botërorin kundër Azerbajxhanit.

Ky është pushimi i dytë radhazi i kombëtares ku Mbappe tërhiqet nga ekipi për shkak dëmtimi, por jo të gjithë besojnë se 26-vjeçari po thotë të vërtetën. Ish-futbollisti Jerome Rothen e bëri të qartë se situata nuk i duket aspak e drejtë, sipas RMC Sport (përmes Sport).

“Në minutën e 80-të, me rezultatin 4-0, të gjithë u pyetëm sa do të duhej derisa të ndodhte një dëmtim i supozuar. Mbappe është kapiten i Francës, ai trajtohet në mënyrë të veçantë dhe kjo më duket në rregull. Por ai ka shokë skuadre rreth vetes që luajnë po aq ndeshje sa ai, madje edhe më shumë gjatë vitit. Mendoni se ata nuk janë të lodhur dhe nuk do të preferonin të shmangnin këtë ndeshje të parëndësishme në Baku? Po, por ata do të shkojnë sepse duhet të shkojnë.”

Rothen beson gjithashtu se ky “trajtim i veçantë” që merr Mbappe nuk pritet mirë nga bashkëlojtarët e tij të kombëtares.

“Ata u kualifikuan, deri këtu në rregull, por kur gjërat ndërlikohen… Vendime të tilla mund të sjellin probleme në dhomën e zhveshjes, dhe jam i bindur se ka lojtarë që janë lodhur nga ky trajtim i favorizuar.”

Megjithatë, një tjetër ish-yull i Francës, Emmanuel Petit, doli në mbrojtje të Mbappe gjatë debatit, duke e akuzuar Rothen për krijimin e një skandali të paqenë.

“E kam kritikuar vitin e kaluar që nuk shkoi në Suedi, por tani ti po përpiqesh të krijosh një skandal aty ku nuk ka asgjë. Edhe nëse e bezdis dikë në dhomën e zhveshjes, ne po flasim për lojtarin më të mirë të të gjithëve (në skuadër).”/GazetaExpress/