Real Madridi u rikthye në stërvitje të hënën në prag të përballjes së Ligës së Kampionëve kundër Benficës pa Kylian Mbappé.
Morali është përmirësuar në Valdebebas pas fitores së tretë radhazi nën drejtimin e Alvaro Arbeloas si trajner, me francezin që shënoi dy gola në fitoren 2–0 të “Los Blancos” në transfertë ndaj Villarrealit.
Francezi u stërvit individualisht të hënën, sipas “MD”, ashtu si edhe Alvaro Carreras, i cili gjithashtu ishte aktiv në “La Cerámica”.
“Cadena Cope” siguron se të dy pritet të jenë gati për udhëtimin në Lisbonë të mërkurën.
Aty i pret një përballje me ish-trajnerin Jose Mourinho në “Estadio da Luz”; Real Madridi është pothuajse i sigurt për një vend në tetëshen e parë edhe me një barazim, por me një fitore do të siguronte automatikisht kualifikimin direkt në raundin e 1/8-ave.
Megjithatë, kishte edhe lajme pozitive për Real Madridin, pasi mbrojtësit Antonio Rüdiger dhe Trent Alexander-Arnold zhvilluan një pjesë të stërvitjes me grupin.
Ky i fundit ka munguar për dy muajt e fundit, por pritet të rikthehet në skuadër të mërkurën, ose në ndeshjen në shtëpi ndaj Rayo Vallecanos të dielën.
Ndërkohë, mbrojtësi gjerman nuk është parë në fushë prej tre javësh, që nga paraqitja e tij në fitoren e Real Madridit ndaj Atletico Madridit në gjysmëfinalen e Superkupës së Spanjës.
Rikthimi i Alexander-Arnold në krahun e djathtë të mbrojtjes do të ishte shumë i mirëpritur, pasi Arbeloa po e rikthen gradualisht Dani Carvajalin pas mungesës së tij të gjatë.
Për momentin, Fede Valverde ka mbuluar krahun e djathtë. Ndërkohë, në qendër të mbrojtjes, Raul Asencio dhe Dean Huijsen kanë qenë dyshe titullare në ndeshjet e fundit dhe kanë paraqitur nivel të kënaqshëm.
Megjithatë, duke pasur parasysh problemet e shumta me dëmtimet këtë sezon, Arbeloa do të kërkojë të shmangë mbingarkimin e cilitdo prej tyre.
Eder Militão nuk pritet të rikthehet para muajit mars në rastin më të hershëm, ndërsa David Alaba ka luajtur shumë pak./GazetaExpress/
