Lorinda Kolgeci është 'Miss Globe 2020'.
Duke përfaqësuar Kosovën, Lorinda Kolgeci u kurorëzua Miss Globe 2020 që është mbajtur më 12 Nëntor 2020 në Tiranë. Ajo doli e para në mesin e 41 kandidateve të tjera.
Lorinda është gjithashtu modele dhe aktore. Ajo ka punuar me disa nga disenjatorët dhe fotografët më të mirë në Evropë dhe është shfaqur në serialin “O sa mirë”, përcjell Express Rozë.
Udhëhequr nga Miss Albania 1995 Hygerta Sako, nata e kurorëzimit Miss Globe 2020 u zhvillua në Parkun Olimpik në Tiranë, Shqipëri. Ishte edicioni i 47-të i konkursit ndërkombëtar të bukurisë që mbahet çdo vit nga Shoqata Deliart, me seli në Tiranë.
Lorinda është mbesa e modeles dhe aktores shqiptare, Diellza Kolgeci, e cila u kurorëzua Miss Kosova në 1996.
Madje vetë Diellza ka treguar se ajo e ka përkrahur mbesën e saj në këtë rrugë.
‘Mbesa ime Lorinda Kolgeci do të përfaqësojë Kosovën në ‘Miss Globe 2020’, jam shumë e lumtur për Lorindën sepse e di që do të përfaqësojë shtetin e Kosovës në mënyrën më të mirë .P.S. normal unë besoj që edhe do të fitojë titullin e ‘Miss Globe 2020’ sepse për këtë arsye e kam propozu për të konkuruar prandaj dua fitore’, ka zbuluar Diellza Kolgeci./Express Rozë/
