Ditën e sotme në emisionin “Shqipëria Live” ishin të ftuar disa nga konkurrentët e “Për’puthen +40” për të folur për eksperiencën e re që kanë ndërmarrë.

I ftuar në studio ishte sipërmarrësi 54-vjeçar, Ndriçim Gjeçi, i cili me batutat e tij shkaktoi mjaft të qeshura.

Duke komentuar konkurrenten 62-vjeçare, Shqipe Rexha, ai tha se e quan Kleopatra dhe herë pas here shpërthen.

“Ka ardhur një zotëri tjetër që është pak më i madh në moshë dhe ishte shumë i interesuar për Shqipen, po flisnim në privatësi, por i thashë se nuk e njoh aq shumë. Shqipe më ka inat mua se ka pas burrin tullac dhe e ka tradhtuar. Më kujton ish-burrin më thotë. Por unë jam ndryshe, njëherë kam tradhtuar dhe kam kërkuar falje”, tha ai.

Më pas sipërmarrësi u shpreh se në fillim është merakosur, pasi dy zonjat që janë aty u fokusuan vetëm te dy konkurrentë.

“Ju hyri vetja në qejf dhe na lanë pas dore. U bëmë merak se nuk po na shikonte njeri, por do ketë prurje të reja, e nuk mund të themi më shumë”, shtoi Gjeçi.

Ky i fundit shtoi se e preferuara e tij është Linda dhe e pyeti nëse do e ftonte në një takim. Ajo ju përgjigj: “Patjetër që po, me kënaqësi”.

“Komplimente i kam bërë çdo ditë Lindës. Duhet të dal te dhuratat, po nuk e di çfarë preferon”, tha Ndriçimi. Ndërsa i pyetur nëse mjafton një herë në javë programi, ai tha duke qeshur: “Ne harrojmë emrat kur vijmë pas një jave, se kemi edhe moshën”.