Ministrja e Tregtisë, Industrisë dhe Ndërmarrësisë, Mimoza Kusari-Lila, ka folur për përvojat e saja në Qeverinë Thaçi dhe Kurti.
E pyetur se a është më e lehtë të bashkëpunohet me Kurtin apo me Thaçin, Kusari tha se nuk mund të krahasohen.
Duke folur për kohën sa ishte pjesë e Qeverisë Thaçi, Kusari tha se ka pasur pavarësi dhe vendimarrje të pandikuar si Ministre e Tregtisë.
“Është interesant se shumë gjëra mund të thuhen për personalitetin e tij ose për angazhimin e tij qoftë si kryeministër në mandat të parë ose të dytë, unë e kam thënë edhe më herët, unë kam pasur pavarësi dhe vendimarrje të pandikuar në Ministri të Tregtisë dhe Industrisë”, ka deklaruar Kusari në Klan Kosova.
Ndërkohë, me Kurtin tha se bashkëpunimi dhe komunikimi ka qenë i tjetër natyre dhe shumë më intensiv sesa me Thaçin.
“Nuk besoj që mund të krahasohen. Arsyeja është se bashkëpunimi dhe komunikimi me kryeministrin Kurti ka qenë i tjetër natyre dhe shumë më intensiv sesa me kryeministrin Thaçi”, u shpreh Kusari-Lila.
