Mesfushori i talentuar me prejardhje shqiptare, por që luan me kombëtaren e Zvicrës, Ardon Jashari ka marrë rrugën për në Itali, më saktësisht në Milano.
Mesfushori 23-vjeçar tashmë do t’i bashkohet Milanit, pas një vere të nxehtë, me Club Bruggen që mezi e lëshoi lojtarin në fjalë.
Transferimi i Jasharit, Milanit do t’i kushtojë 39 milionë euro, së bashku me bonuse.
Eksperti i transferimeve, Fabrizio Romano ka bërë me dije se Ardon Jashari tashmë ka marrë rrugën për në Itali, për të kryer testet mjekësore dhe për t’u prezantuar si lojtari më i ri i “Rossonerëve”.
❤️🖤✈️ EXCLUSIVE: Ardon Jashari here on his way to Milano as he’ll finally join AC Milan!
The first picture as new AC Milan player, the only club he wanted during the whole summer window despite several bids. pic.twitter.com/Idbe0o5MJl
Ardon Jashari u transferua te Brugge sezonin e kaluar, për shumën e 6 milionë eurove, teksa pas një sezoni në Belgjikë fitoi çmimet si “Lojtari më i Mirë i Sezonit” dhe “Lojtari i Ri më i Mirë i Sezonit”./GazetaExpress/
