Yjet e Gjeorgjisë do të fitojnë një premio mahnitëse prej 8.4 milionë funte pasi i siguruan shtetit të tyre një vend në raundet e eliminimit të Euro 2024.
Gjeorgjia rezervoi vendin e tyre në 1/16 pas një fitore shokuese 2-0 ndaj Portugalisë të mërkurën, falë golave të Khvicha Kvaratskhelia dhe Georges Mikautadze.
Pas tejkalimit të pritjeve në turneun e tyre të parë të madh ndonjëherë, lojtarët gjeorgjianë do fitojnë shumë para.
Sipas “Georgian Times”, Bidzina Ivanishvili është zotuar të shpërblejë ekipin kombëtar me 8.4 milionë funte, përcjellë “Gazeta Express”.
Ata do të përballen më pas me Spanjën në 1/16 e turneut dhe mund të ketë një nxitje edhe më të madhe për të kaluar tutje./GazetaExpress/
