Real Madridi po planifikon të nënshkruajë një mesfushor të ri këtë verë, dhe para se të hapet merkato, klubi ka disa objektiva në listë.

Lojtari i Manchester Cityt, Rodri Hernández, nuk është më një opsion, por “Los Blancos” po vazhdojnë të shikojnë tregun e Premierligës – dhe një emër ka dalë në pah: Adam Wharton.

Real Madridi e ka ndjekur Whartonin për më shumë se një vit dhe ai ka impresionuar departamentin sportiv të klubit.

22-vjeçari, tashmë reprezentues me Anglinë, përputhet plotësisht me politikën e transferimeve që “Los Blancos” kanë ndjekur vitet e fundit, duke e bërë një transferim të mundshëm.

Shanset për këtë lëvizje janë rritur pasi raporte nga Anglia (përmes “Diario AS”) tregojnë se Whartoni ka kërkuar të largohet nga Crystal Palace këtë verë.

Ai dëshiron të bashkohet me një klub që luan në Ligën e Kampionëve, dhe megjithëse është kërkuar nga Manchester Unitedi, Liverpooli dhe Manchester City, ai mund të përfundojë në Real Madrid.

Megjithatë, Crystal Palace e kanë bërë të qartë se Whartoni do të largohet vetëm sipas kushteve të tyre, duke vendosur një çmim prej 100 milionë eurosh për mesfushorin, gjë që mund ta frikësojë Real Madridin.

Aktualisht, Real Madridi nuk ka vendosur saktësisht se për kë do të shkojë këtë verë, por Whartoni është një nga opsionet kryesore në listën e tyre.

Ata e konsiderojnë atë një nga lojtarët më tërheqës në treg dhe, edhe pse çmimi i kërkuar është 100 milionë euro, fakti që ai dëshiron të largohet mund të lejojë negociata për një shumë më të ulët.

Do të shihet nëse Real Madridi do të përpiqet ta marrë Whartonin këtë verë, por nënshkrimi i tij do të kishte shumë kuptim.

Ai vetëm do të vazhdojë të rritet si lojtar, dhe “Bernabeu” mund të jetë vendi ideal për këtë zhvillim./GazetaExpress/