Kryetari i komunës së Drenasit, Ramiz Lladrovci, ka marrë kërcënim me jetë nga një person.
Burime të sigurta nga kjo komunë i kanë thënë Reporterit, se kryetari ka marrë kërcënime serioze dhe për këtë edhe është arrestuar nga policia kërcënuesi.
Policia e Kosovës e ka konfirmuar rastin.
“Është arrestuar një i dyshuar mashkull K/Shqiptar, i cili ka kanosur me mesazh në rrjetin social viktimën mashkull shqiptar kosovar. Me urdhër të prokurorit i dyshuari është dërguar në mbajtje”, ka thënë Policia e Kosovës.
Nuk dihet akoma se për çfarë ka ardhur deri te ky kërcënim.
