Barcelona ende po presin rikthimin e tyre në “Spotify Camp Nou”, i cili vazhdon të shtyhet për shkak të vonesave. Krerët e klubit kishin shpresuar që ndeshja e së dielës kundër Valencias të zhvillohej në stadiumin e tyre, por nuk u miratua ende, gjë që bëri që si alternativë të përdorej “Estadio Johan Cruyff”.

Për momentin, nuk ka një datë të përcaktuar zyrtarisht për rikthimin, megjithëse plani është që Barcelona të kthehet në kohë për ndeshjen e parë në shtëpi në fazën e grupeve të Ligës së Kampionëve kundër Paris Saint-Germain, që do të luhet pas tre javësh. Ka besim se ky do të jetë rasti.

Sipas asaj që ka raportuar El Chiringuito, Barcelona pritet të rikthehet në “Spotify Camp Nou” pas dy javësh, në sfidën e La Ligës kundër Real Sociedad – gjë që do të siguronte që edhe përballja me PSG të zhvillohej në të njëjtin stadium.

Raporti thotë se Barcelona nuk do të mund të kthehet në kohë për ndeshjen e ardhshme kundër Getafes, e cila ashtu si ajo me Valencian, do të luhet në “Estadio Johan Cruyff”. Megjithatë, tashmë pritet që skuadra e parë të bëjë më në fund rikthimin e shumëpritur, gati 28 muaj pas ndeshjes së fundit në arenën ikonike.

Barcelona ende nuk e ka siguruar miratimin e nevojshëm për të pritur ndeshje sërish në “Spotify Camp Nou”, por shpresa është që ky leje të vijë gjatë 7-10 ditëve të ardhshme. Nëse kjo ndodh, do të hapte dyert për rikthimin e tyre pas një kohe kaq të gjatë, një nxitje e madhe si në fushë ashtu edhe jashtë saj.

Për momentin, mbetet për t’u parë nëse Barcelona do të arrijë të luajë në “Spotify Camp Nou” më vonë këtë muaj./GazetaExpress/