Lionel Messi e shënoi golin e 901-të të karrierës së tij dhe Inter Miami ia shkaktoi humbjen e parë sezonale New York City FC në Major League Soccer të dielën, duke triumfuar me rezultat 3-2.
Superylli argjentinas e realizoi golin e barazimit nga një gjuajtje e lirë në minutën e 61-të, ndërsa mbrojtësi brazilian Micael e shënoi golin e fitores në minutën e 74-të, shkruan “AFP”, përcjell “Gazeta Express”.
Messi what a freekick, what a way to score your 901th goal 🐐 pic.twitter.com/x6ydiKO0KE
Mysafirët nga Miami ende ndiheshin të zhgënjyer pasi u eliminuan nga CONCACAF Champions Cup pas barazimit me Nashville të mërkurën, po atë mbrëmje kur Messi e kishte realizuar golin e 900-të të karrierës së tij legjendare.
Mbrojtësi argjentinas Gonzalo Lujan e kaloi Inter Miamin në epërsi në minutën e katërt me një goditje me të djathtën në këndin e poshtëm të djathtë.
Nicolas Fernandez barazoi për NYCFC në minutën e 17-të nga një goditje dënimi, duke goditur fuqishëm me të majtën në këndin e sipërm të majtë.
Messi pati edhe raste të tjera në pjesën e parë: e humbi një mundësi në minutën e 27-të pas një kundërsulmi dhe në minutën e 36-të u ndal nga portieri i New Yorkut, Matt Freese.
Një goditje e Messit u përplas në traversë në minutën e 42-të, ndërsa në minutën e 44-të ai goditi jashtë nga qendra e zonës.
Agustín Ojeda i New Yorkut e shfrytëzoi një pasim në thellësi nga Maxi Moralez dhe realizoi në këndin e poshtëm të djathtë për t’ua dhënë epërsinë vendasve në minutën e 59-të.
Megjithatë, Messi barazoi për Miamin duke e realizuar një goditje dënimi me të majtën, pasi ishte fauluar nga Aiden O’Neill përpara se të ekzekutohej goditja.
Inter Miami e gjeti golin vendimtar 13 minuta më vonë, kur Micael realizoi me kokë nga ana e djathtë e zonës, pas një krosimi nga Noah Allen.
Me këtë fitore, Inter Miami përmirësoi bilancin në 3-1-1, ndërsa New York City FC mbeti me 3-1. /Gazeta Express
