Argjentina e ka nisur me fitore mbrojtjen e titullit në Copa America.

Messi me shokë triumfuan 2:0 ndaj Kanadasë në duelin e parë të fazës së grupeve.

Pjesa e parë u mbyll pa gola të shënuar, ndërsa e dyta nisi me to, shkruan Gazeta Express.

Ishte Julian Alvarez i cili realizoi në minutën e 49-të të takimit pas asistimit të Mac Allister.

E goli i dytë erdhi në momentet e fundit.

Lautaro Martinez shënoi në minutën e 88-të pas asistimit nga Leo Messi.

Argjentina tani i prin grupit A me tri pikë, teksa krahas Kanadasë në këtë grup gjenden edhe Peru dhe Kili. /Gazeta Express/