Një incident i papritur ndodhi gjatë miqësores së Inter Miami CF ndaj Independiente del Valle në Porto Riko, ku ylli argjentinas Lionel Messi u rrëzua pas një ndërhyrjeje të sigurimit gjatë një sulmi nga tifozët.
Në minutën e 89-të, disa tifozë hynë në fushë në Estadio Juan Ramón Loubriel në Bayamon. Njëri prej tyre, i zhveshur nga mesi lart, arriti t’i afrohej Messit dhe ta kapte, duke shkaktuar një përplasje me një nga efektivët e sigurisë. Messi ra në tokë, por fatmirësisht u ngrit menjëherë pa lëndime. Gjatë incidentit, ai gjithashtu i dha autografe një tifozi dhe një tjetër bëri selfie me të.
Messi ishte futur në lojë në minutën e 43-të dhe shënoi nga pika e bardhë për të siguruar fitoren 2-1 për Inter Miamin ndaj rivalëve ekuadorianë. Ndeshja u ndërpre për disa minuta, por u rikthye dhe përfundoi normalisht.
Miqësorja u zhvillua vetëm disa ditë pas humbjes së Inter Miamit ndaj LAFC në startin e sezonit MLS dhe ekipi do të rikthehet në fushë të dielën për ndeshjen ndaj rivalëve të shtetit, Orlando City.
Incidenti nxiti diskutime në rrjetet sociale për sigurinë e lojtarëve dhe menaxhimin e tifozëve gjatë ndeshjeve. /GazetaExpress
يا لطيف يالفوضى pic.twitter.com/2z7MPUrhwe
