Një mësuese nga Teksasi, e cila ishte shpallur “Mësuesja e Vitit” në rajonin e saj, akuzohet të ketë bërë seks oral me një nxënës të saj, në klasën e mësimit, kanë njoftuar autoritetet amerikane.

Randi Chaverria, 36-vjeçare, e cila jepte mësim në shkollën e mesme të Raund Rokut, në Teksas, është arrestuar të martën, pasi një nxënës i ka thënë policisë se ajo ka bërë seks oral me të dy herë gjatë muajit tetor.

Mesazhet tekstuale, të shkëmbyera mes nxënësit dhe mësueses, kanë konfirmuar akuzat e adoleshentit, kanë bërë të ditur hetuesit amerikanë.

Prindërit janë lajmëruar më parë këtë muaj, nëpërmjet postës elektronike, se Chaverria ka pasur një marrëdhënie të pahijshme me një nxënës, duke e shtyrë të marrë pushim pa pagesë për arsye personale. Më pas, ajo ka dhënë dorëheqje nga puna, më 19 nëntor, sipas mediave amerikane.

Drejtori i shkollës, Matt Groff, u ka thënë prindërve se Chaverria ishte kontrolluar dhe kishte rezultuar me të kaluar të pastër para se të merrej në punë.

Ajo është liruar me kusht, pasi vetë ishte dorëzuar tek autoritetet, kur ishte akuzuar për marrëdhënie të pahijshme mësimdhënës-nxënës.